kalittokai (Verse)

Kalittokai

((Originally extracted from master file ^KALI.OCP))

((Last updated on 2010 October 12th))

Metrical description (AR, pp. 347): itu muṉ oru neṭuveṇpāṭṭum ōr ampōtaraṅkamum taṉiccollum tāḻicaiyum piṉṉum oru taṉiccollum veḷḷaiccuritakamum peṟṟuvanta koccakakkalippā

A

{KALI 56-1} ūr kāl nivanta potumpar uḷ nīr kāl
{KALI 56-2} koḻu niḻal ñāḻal mutir iṇar koṇṭu
{KALI 56-3} kaḻuma muṭittu kaṇ kūṭu kūḻai
{KALI 56-4} cuval micai tātoṭu tāḻa akal mati
{KALI 56-5} tīm katir viṭṭatu pōla mukaṉ amarntu
{KALI 56-6} īṅku ē varuvāḷ ivaḷ yār kol āṅku ē ōr
{KALI 56-7} vallavaṉ taiiya pāvai kol nallār
{KALI 56-8} uṟuppu elām koṇṭu iyaṟṟiyāḷ kol veṟuppiṉāl
{KALI 56-9} vēṇṭu uruvam koṇṭatu ōr kūṟṟam kol āṇṭār
{KALI 56-10} kaṭitu ivaḷai kāvār viṭutal koṭi iyal
{KALI 56-11} pal kalai cil pūm kaliṅkattaḷ īṅku itu ōr
{KALI 56-12} nalkūrntār celva makaḷ

B

{KALI 56-13} ivaḷai collāṭi kāṇpēṉ takaittu
{KALI 56-14} nallāy kēḷ

C

{KALI 56-15} āy tūvi aṉam eṉa aṇi mayil peṭai eṉa
{KALI 56-16} tūtu uṇ am puṟavu eṉa tutainta niṉ eḻil nalam
{KALI 56-17} mātar koḷ māṉ nōkkiṉ maṭa nallāy niṉ kaṇṭār
{KALI 56-18} pētuṟūum eṉpatai aṟiti ō aṟiyāy ō

D

{KALI 56-19} nuṇaṅku amai tiraḷ eṉa nuṇ iḻai aṇai eṉa
{KALI 56-20} muḻaṅku nīr puṇai eṉa amainta niṉ taṭa mel tōḷ
{KALI 56-21} vaṇaṅku iṟai vāl eyiṟṟu am nallāy niṉ kaṇṭārkku
{KALI 56-22} aṇaṅku ākum eṉpatai aṟiti ō aṟiyāy ō

E

{KALI 56-23} mutir kōṅkiṉ mukai eṉa mukam ceyta kurumpai eṉa
{KALI 56-24} peyal tuḷi mukiḻ eṉa perutta niṉ iḷa mulai
{KALI 56-25} mayir vārnta vari muṉkai maṭa nallāy niṉ kaṇṭār
{KALI 56-26} uyir vāṅkum eṉpatai uṇarti ō uṇarāy ō

F

{KALI 56-27} eṉa āṅku

G

{KALI 56-28} pētuṟṟāy pōla piṟar evvam nī aṟiyāy
{KALI 56-29} yātu oṉṟu um vāy vāḷātu iṟantīvāy kēḷ iṉi
{KALI 56-30} nī um tavaṟu ilai niṉṉai puṟaṅkaṭai
{KALI 56-31} pōtara viṭṭa numar um tavaṟu ilar
{KALI 56-32} niṟai aḻi kol yāṉai nīrkku viṭṭāṅku
{KALI 56-33} paṟai aṟaintu allatu cellaṟka eṉṉā
{KALI 56-34} iṟai ē tavaṟu uṭaiyāṉ